Shillong, Naitung 10:
Ka tnat ïalehkai jong ka skulbah North Eastern Hill University (NEHU) ka la pynbeit ban pynlong ïa ka lympung ïalehkai Inter College Badminton Men & Women and Table Tennis (Men & Women) Tournament naduh 18 haduh 20 tarik mynta u bnai.
Kane ka lympung ka long tang na ka bynta ki kolej bad ki skulbah kiba la pynïasoh sha ka NEHU. Ka tarik khatduh ban pdiang ïa kiba thmu ban ïashim bynta kan long ha ka 13 tarik mynta u bnai haduh ka por 4 baje janmiet. Ïa ki jingtip kiba bniah ki lah ban leit sha ka Website jong ka NEHU.
