Shillong, Naitung 10:
Ka Blue Bumbar FC ka la khur ïa ka jingjop ha ka lympung ïalehkai Knockout Football Tournament ba la pynïaid da ka Ri Khasi Social & Cultural Sports Club. Kane ka jingjop ka wan urlong hadien ba ka lah ban pynliem noh ïa ka Pdeng Shnong Mawryngkneng da 1-0 kol ha ka Lah Sngi U Blei ha madan Kurkalang kaba ha Bhoi Rymbong.
Kane ka nam jop ka la wan urlong lyngba u Ieitlang Syiemïong na ka bynta ban khur ïa ki lai point.
Wat la kine ki kynhun ki la pyrshang ban ïakhun tyngeh naduh kaba sdang, hynrei kim shym lah ban thep kol haduh kaba kut jong ka kylla step. Dei ha ka kylla miet ba ka Blue Bumbar ka la ïoh ban pynkhih jar lyngba u Ieitlang Syiemiong ha ka minit kaba 62 bad ban khur syndon ïa ka jingjop.
Haba phai sha ka jingïakhun kaba la long ha ka sngi Saitjaiñ, ka Tyrsad Combine ka la pynliem noh ïa ka Ïatylli S&C Co-Operative Society lyngba ka tie-breaker da 5-2 kol hadien ba ïakhaid mar shi kol.
