Agartala, Naitung:
Ka Tripura Pradesh Congress Committee (TPCC) ka la rai ban pynlong ïa ka jingïakhih kaba jar jar kaba la tip kum ka Maun Satyagraha kaba 7 kynta ha Gandhighat ha ka sngi Balang, kum shi bynta ban ïakhih halor ka jingleh jong ka sorkar kmie kum shi bynta ban ai jingkyrshan ïa u Rahul Gandhi, la ong u President jong ka TPCC u Asish Kumar Saha hynnin ka sngi.
U Asish Kumar Saha, u la ong ba katkum ka jingrai, jong ka All India Congress Committee (AICC), ka seng kan sa pynlong ïa ka jingïakhih ban phah sangeh ha kaba ïadei bad ka jingleh donbor bad thom da ka bor pyrshah ïa u Rahul Gandhi.
U Gandhi u la ïai shah kylli jingkylli hadien ka jingpynpaw pyrthei jong u halor ka jingïadei ka bym khuid hapdeng u Myntri Rangbahduh bad ka kompeni Adani ha kiba bun ki bynta, la ong u Saha hynnin ka sngi.
