Shillong, Naitung 10:
Lai ngut ki ’thei ïalehkai Muay Thai na Mawkynrew kiba dang hapoh 15 snem ka rta ki la shah jied ban mihkhmat ïa ka ri India sha ka IFMA Youth World Championship 2023 ka ban long ha Turkey ha u Nailur mynta u snem.
Kine ki kynthup ïa ka Jennifer Mukhim bad ka Dañiewkor Mynsong kiba dei na ka shnong Pingwait bad ka Evakordor Nongrum na Mawkynrew.
Kine ki khynnah ki dei kiba hap hapoh ka jingkhmih jong ka Mawkynrew Block Muay Thai Association, kaba la pynïasoh sha ka Muay Thai Association of Meghalaya.
