Sydney, Naitung:
Uwei u nong Vietnam uba don ia ka hok trai shnong ha Australia, u ba la shah kem noh ha u snem 2019 halor ka jingshah pharep don kti ha ki kam thombor bad ki lehnoh, u la ioh mih noh na patok bad u la leit phai sha ka iing jong u ha Sydney ban bteng pat ia ka jingim jong u nangne shakhmat kum u riew paidbah.
Ia u Chau Van Kham, la shah pharep ba u don kti ha ka thma Vietnam bad la pynngat kyndon ia u da kaba set patok haduh 12 snem kynthih bad u la ngat shah pynshong patok naduh u Naiwieng jong u snem 2019.
U nongïasaid aiñ jong katei ka iing, u Dan Phuong Nguyen ha ka Sngi Ba-ar, u la pynbna ba katei ka long ka sngi kaba kmen tam ia ka iing ka sem jong u namar ka jingwan phai biang noh jong u sha la iing ban ioh don ryngkat noh bad la ka kurim bad ki khun- ki kti.
Kumjuh ruh na ka liang jong utei u briew, u la ai khublei ia ka sorkar Australia kaba la ai jingkyrshan ia u naduh ka por ba u don ha patok bad haduh ba un da ioh ban mih noh na patok ha kane ka kynti.
