Shillong, Naitung 11:
Ka KSU Nongthymmai Circle ha ryngkat ka Tramline Badminton Academy ka la plie ïa ka Maitshaphrang Khasi Badminton 2023 ha indoor stadium jong ka Nongthymmai Sports Club ha ka sngi Ba-ar.
Ïa kane ka lympung la wan ban plie da u Bah Bawan Khyriem, Presi-dent ka Nongthymmai Sports and Cultural Club uba dei ruh u Rangbah Shnong jong ka Nong-khyriem ha ka jingsakhi lang ki Rangbah Shnong, Rang -bah Dong, seng samla shnong kiba hap hapoh ka jylli treikam jong ka KSU Nong-thymmai bad ki nongkitkam ka Nongthymmai sports club ryngkat ki dkhot naki units jong ka nongthymmai circle.
La wan ban sakhi lang ruh da u samla Shelkitbok K. Bani, Asst Education Secy CEC, samla Alaric Kharjana Asst. Office Secy KSU CEC bad samla Jason Laloo, GS KSU Laban Circle bad ïa ka jingïalang la pynïaid da u Organi-sing Secretary ka KSU Nongthymmai Circle Samla Riwenroy Kharbuli.
Haba kren kum u Kongsan u Bah Bawan u la kyrkhu kyrdoh ïa ki nongïalehkai ba kin lah ban wanrah ïa ka nam ïa ka jaitbynriew hi baroh kawei bad ka KSU kan nanglah ban pynlong ïa kine ki jait jingïalehkai kiba wanrah ka jingïatylli bad ka rynsan ba kin kiew sha ki kyrdan ba shalor.
Kum ka dak ban plie ïa kane ka lympung, u Kongsan u la tied ïa u shuttle shasuiñ.
