Itanagar, Naitung:
Ki pulit jong ka nongbah ha ka Lah Sngi U Blei ki la lah ban buddien halor ka jingjia shah rahbor tang ha ki ar kynta naba ki la lah ban pyllait im ïa u karikor (engineer) uba la shah rahbor ha ki lai ngut ki briew ki bym shym la lah ban ithuh na kawei ka ïew.
U Reri Boje, uba long u Assistant Engineer jong ka Rural Works Department, ïa uba la shah thungkam ha Bameng kaba don ha East Kameng distrik, une u la shah rahbor ha lai ngut ki briew ki bym shym la lah ban ithuh ha kawei ka kali rong lieh na Gandhi Market kaba don ha Itanagar, ha ka por 11 baje mynstep, la ïathuh u SP (Crime) Jimmy Chiram. Ïa u Reri Boje la ïoh ba pyllati na ka thaiñ Richi Jullang kaba don hajan Chimpu-Jullang Bridge bad lai ngut ki nongrahbor ki la shahkem noh, la ïathuh u SP.
Ïa kine kiba la shahkem la tip kyrteng kum u Yarkum Rimo (4), Mako Rimo (23) bad u Tah Rimo (35), kiba dei na ka shnong Fengche kaba hap hapoh ka Seppa, ka jaka treikam jong ka East Kameng distrik, la ïathuh shuh shuh u heh pulit.
