Beijing, Naitung:
Katkum ki khubor la iathuh ba, palat 40,000 ngut ki paidbah nongshong shnong ka thaiñ Sichuan jong ka China ki la shah pynkynriah shnong noh namar ki jingjia shlei um ha kylleng jong katei ka nongbah, kiba la wanrah ruh ïa ki jingjia bad jingmynsaw na ki jingtwa bad jing julor jong ki jingtei bad ki iing- ki sem.
Ka jingshlei um ha katei ka nongbah ka long namar ka jingjur jong u slap ha ki katto- katne taiew ba la leit bad kaba la wanrah pat ïa ki jingjia shlei um, ki jingtwa khyndew bad kiwei kiwei ki jingjia ki ap jingma ïa ki paidbah nongshong shnong. Kumta ki bor pyniaid ka China ki la rai ban pynkynriah shnong noh ïa kitei ki paidbah katba ka jinglong- jingman ha katei ka nongbah kam pat i biang.
Ka jingjur slap bad jingshlei um ha China, ka long ruh ha kane ka por ba kiwei ruh ki ri jong ka pyrthei ki ïoh mad ha kane ka aïom, bad kaba wanrah ruh ïa ki jingjia bapher kiba ktah ïa ka jing-long- jingman jong ki paidbah nongshong shnong.
