Guadalajara, Naitung:
U Lat jong ka nongbah Jalisco u la iathuh ba 3 ngut ki heh pulit ki la khlad ha ka jingbthei ha Mexico kaba la jia ha ka Sngi Ba-ar, ha kaba 10 ngut kiwei pat ki la mynsaw jur.
Ki heh pulit bad katto katne ki pulit kiba ap pahara ha katei ka jaka ki la khlad bad mynsaw na ka jingleit thombor jong ki kynhun bym don jingithuh ha katei ka thaiñ Jalisco.
Kane ka long ka jingma kaba khraw ia ka Mexico namar ka jingdon jong kum kitei ki kynhun runar kiba thombor pyrshah ia ki bor pyniaid jong ka ri na ka por- sha ka por.
