Shillong, Naitung 13:
Ka South West Khasi Hills District Badminton Association ka la pynkut noh ïa ka 9th South West Khasi Hills District Badminton Championships 2023 ha ka sngi Ba-ar ha Indoor Stadium Mawkyrwat, South west Khasi Hills District.
Ha katei ka sngi la ïadon lang u MLA ka thaiñ u Bah Renikton L. Tongkhar kum u kongsan ha ryngkat ka jingdonlang ruh u Bah T. Lyngwa, Deputy Commissioner ka South West Khasi Hills, Bah I. Lawrynñiang, BDO Mawkyrwat ha ryngkat da ka jingïadonlang lang ruh ki nongkitkam jong ka South West Khasi Hills District Badminton Association bad kiwei ki ophisar sorkar lem bad ki paidbah kiba wan ban sakhi lang ha kane ka sngi.
Ha ka jingïakhun para marwei Under-13 Boys Single la rah da u Mandapkupar Wanniang, ha ka Under-15 Boys Single la jop da u Adrian Syiemlieh, ka Wansaphi Marpna (Under-15 Girls Single), u Adrian Syiemlieh bad u Mebakyrshan Iawphniaw (Under-15 Boys Doubles), ka Arbin Khardewsaw (Under-17 Boys Single), ka Dedaphi Marpna (Under-17 Girls), u James Anderson Kharlyngdoh bad u Mebakyrshan Iawphniaw (Under-17 Boys Double), u Wansaphi Marpna bad ka Deidaphi Marpna (Under-17 Boys Double), u Given Warder Lyngdoh (Under-19 Boys Single), ka Jessica Wanniang (Under-19 Girls Single), u Pynkhlaiñkupar Wanniang bad u Given Warder Lyngdoh (Under-19 Boys Double), ka Wansaphi Marpna bad ka Deidaphi Marpna (Under-19 Girls Double), u Given Warder Lyngdoh bad ka Judita Wanniang (Under-19 Mixed Doubles), u Given Warder Lyngdoh (Men Open Single), u Superson Wahlang bad u Kynsaibor Thongni (Men Open Double), ka Balancy Lyngkhoi (Women’s Open Single) bad ka Balancy Lyngkhoi & Joycyful Nongrem (Open Women’s Double).
