Dibrugarh, Naitung:
Ka seng United Liberation Front of Asom (Independent) ka la phah ïa ka shithi dawa pisa sha ki trai jong ka kper thung slasha kaba don ha ka thaiñ Sonari jong ka Charaideo distrik ha Assam, kaba la dawa da T. 72 lak. Ha kane ka shithi la soi da u nongïalam jong ka kynhun ULFA (I) u Nayan Asom, ha kaba la phah sha u Manoj Gogoi, uba long u Manager jong ka karkhana Timon Tea kaba don ha Charaideo lyngba ka WhatsApp ha ka sngi U Blei.
Ha kaba ïadei bad kane ka jingjia, haduh mynta ym pat don mano mano ruh ki ban shahkem ha ki pulit. U SP jong ka Charaideo u Yuvraj u la ong ba ki pulit ki la pynlong ïa ka jingtohkit kaba bniah ha kaba ïadei bad kane ka jingjia. “Ïa kane ka shithi byrngem la phah lyngba ka WhatsApp ha ka kyrteng u nongïalam jong ka ULFA u Nayan Asom. Na ka liang ki nongpynïaid bad ki nongkhmih jong kane ka kompeni pynmih slasha ki la buh da ka jingujor ejahar. Shen ngin sa lah ban lap ïa ka jingshisha halor ka jingjia,” la ong u SP.
