Bertina Lyngdoh
Ka jingkwah bad ka jingdonkam ka long kaba don ha manla u briew. La shu biang, la duk, ne la riewspah, baroh ngi kwah baroh ngi donkam. Bun ki jingkwah bad jingdonkam, kiba kum ka pisa, ki rongphong ka pyrthei, ka bam ka dih, ki dawai dashin, bad kiwei kiwei de. Kat nang ïar bad nang stad ka pyrthei, ki khmat ruh ki nang shai kiba pynlong i’u briew ban kwah. Teng-teng, ngi kwah namar ngi donkam, don pat ki por ngi shu kwah hynrei khlem da donkam shisha. Ka jingkwah bad ka jingdonkam kam lah ban pynhun ne pynbiang ïangi lada khlem ka tyngka kot kaba biang. Ban ioh pat ia ka tyngka kot kaba biang, ne ban lum bad kynshew ïa ki long kaba jynjar bad hap ban trei shitom bha. Ka jingkwah kaba khlem da donkam, bunsien ka ïalam bakla bad pynsniew ïa u briew. Baroh uba kwah suda, hynrei ngim thikna ba kita baroh ki dei ne em kiba donkam shisha ne tang ka jingkwah.
Te kumta, ngi dei ban nang ban buh u pud khamtam eh ïa ki jingkwah jong ngi. Ka jingkwah kam die kaba sniew lada ngi tip ban buh u pud ka jingkwah. Ki jing-kwah kiba khlem u pud, ki long ki jingpynlut ksan kaba ktah bha kata ïa ka pla tyng-ka u briew. Kum ka nuksa, ki rongphong ka pyrthei, ki khring bha ïa ki khmat kiba pynlong ïangi ban kwah. Katta tylli ki jaiñphong ngi don, la katta ruh ngi nang kwah kata wat ïa kaba la don la biang ruh. Hateng hakhmat ruh, dei namar ki lok ki jor ruh kaba pynlong ia ngi ban kwah ia ka bym lah long tang namar ba ki don. Sngewthuh te ngi la sngewthuh lypa ba ngim lah kot bor la katta ruh ngi nang ïai kwah. Kaba eh ka long ruh, ba katta nang heh dor bad rem, katta ruh ngi nang mon ki khmat jong ngi. Kumjuh ka long ha ka bam ka dih bad kiwei kiwei. Kum ki briew, ngi pynhun tang namar ba ngi kwah, katba ngi khlem pyrkhat pat ba kine kim ai jingmyntoi ïa ngi hynrei ka kjit pynban ïa ka spah ka ba khyndiat eh kaba ngi don bad kynshew ïa ka. Haba la jur than ka jingkwah khlem pyrkhat shuh ïa ka jingkongsan ka jingdonkam, kumne keiñ ha kaba kut ngin kylla long kita ki nongkit ram haduh ba la sohsat ban pynkhuid ïa ka. Kane ka dei kata ka jingkwah kaba kwah khlem u pud bad kaba pyrshah ïa ka jingdonkam.
Kumta, ka jingtyngkai ka long ka ban ïarap bha ha ki khep ka jingkyrduh. Ngin lait ruh na ka jingpan ram, khamtam ha ki por kyrkieh. Ka shaniah than ïa ka jingshim ram ruh kam long kaba bha. Kumta kan jyn da la biang ban tyngkai lypa. Thied tang ïa kiba donkam shisha kata kaba lah ban pyndonkam ha manla ka sngi, ne man ka por. Ka jingthied ïa ki tiar ne ki mar ki mata ruh ki bym da pyndonkam ruh, kata long lehnohei khamtam haba ngi la duna lypa ha ka jingmih ne ka ioh ka kot. To tyngkai khnang ban long ka jingïarap ha ki por kyrduh ka lawei.
