Kumba la tip ba ka sorkar Meghalaya bad Assam kin ïa pynpeit pud noh ia ka Block I & II ha ka Phase II. Kumta ka Jaiñtia Dorbar, Jaiñtia Hills, Meghalaya ka la ïai dawa jur ban pynphai noh ïa ka Block I & II baroh ka jaka jong kine ki area shapoh Meghalaya State, kaba ka Sorkar Assam ka la phiah jubor ha ka 13th ïaïong, 1951 bad ka la ai ïa kane ka jaka sha ka Karbi Anglong. Ka Block I ka dei ka jaka ka Labang Nongphyllut bad Pangam Raliang kaba ki Pnar baroh ki shong ha kane ka jaka. Ka Block II ka dei ka Elaka Nartiang kaba shong da ki Pnar kiba dei ki Nongtung bad ki Khyrwang bad ruh ki Namcha. Ki jaka jong kine ki Block ka Sorkar Assam ka la pynduh ïa ki khlaw Niam ne khyndew Niam bad Elaka jong kine ki trai shnong. U Doloi u dei u Iang Dkhar Nartiang.
Ki Mikir Hills ki dei ki trai shnong ha Dhansari ha Assam naduh barim bajah bad da ka jinghiar thma ki Kashari ïa ki bad ki la phet rieh shapoh Jaiñtia Hills da kaba u Syiem Jaiñtia u la shah ïa ki ban shong shipor (Temporary) ha kane ka jaka bad kim dei ban kam hok ïa ka jaka kaba ki shnong.
Kumta ka Jaiñtia Dorbar ka la dawa jur ïa ka Sorkar Meghalaya ban pynbeit noh ïa kane ka Block I & II ban ai sha ka Meghalaya State. Ha ka jingïapynbeit pud ki Karbi Anglong kim don hok ban ïatuklar ïa ka Block I & II ban ai sha ka Meghalaya State. Ha ka jingïapynbeit pud ki Karbi Anglong kim don hok ban ïatuklar ïa ka Block I & II bad dei tang ki briew Khasi Jaiñtia kiba lah ban tuklar ïa kane ka jingïapynbeit pud ka Block I & II hapdeng ka Meghalaya bad Assam.
Barding Sari
President
Jaiñtia Dorbar, Jaiñtia Hills
