Kyiv, Naitung:
U President ka Ukraine, u Volodymyr Zelensky, ha ka Sngi Nyngkong u la kyntu ia ki para ri na West ba kin ai ka jingmynjur bad ban ai jingkyrshan ia ka Ukraine ba kan ioh long noh ka dkhot ba pura jong ka NATO, kum shi bynta ban iada ia ka Ukraine na ki jingeh bad ki jingma kiba kham palat shah kiba dang ap ha ki sngi ban wan.
Ha ka video kaba u la ai jingkren lyngba jong ka rynsan Telegram, u Zelenskky u la ong ba ka Ukraine ka dei hok ban ioh long ka dkhot ba pura jong katei ka kynhun. Ym tang namar ba ha kane ka por ka mad ia ka thma, hynrei namar ba ka Ukraine ka dang dei ka ri kaba rit bad kumta ka donkam ban iasnoh kti lang bad kiwei ruh ki para ri ba kham rit khnang ba kin lah ban iakhun pyrshah ia kino- kino ki jingeh kiba wan ha ka lynti jongki.
