Saudi, Naitung:
Katkum ki khubor la ong ba ka sorkar Britain ka la khot sngewbha ia u Saudi Crown Prince- u Mohammed Bin Salman sha London naka bynta ban leit jurip kumba ju long man ka por bad kane ka lah ban long ha ki bnai Risaw lane Naiwieng ki ban wan san.
Katkum ka khubor na Britain la pyntikna ia katei ka jingkhot sngewbha jong ka sorkar Britain ba la phah sha utei u nongialam jong katei ka ri, hynrei la ong ba na ka liang jong utei u nongialam ka Saudi pat um pat shym la ai jubab ne pynpaw eiei haba iadei bad katei ka jingshah khot sngewbha.
