Shillong, Naitung 17:
Ka Bouncers Association of Meghalaya (BAM) ha ryngkat ka jingïatrei ka Treilang Welfare Society (TWS), Shillong College bad ka Meghalaya AIDS Control Society, kan pynlong ïa ka Inter-College Arm Wrestling Championship 2023 ha ka 22 tarik mynta u bnai naduh ka por 8:30 mynstep ha Shillong College.
Ha kaba ïa dei bad kane ka jingïakhun kti, kan don ka jingthew kilo ïa ki nongshim bynta ha ka 21 tarik naduh ka por 10 baje mynstep haduh ka 4 baje ka nohphai sngi ha gallery jong ka madan Malki.
Ka jingthmu jong kane ka Arm Wrestling Championship ka long ban sei madan ïa ki rang bad ki ‘thei ïakhun kti kiba kynsai jong ka Jylla, ban ai jinghikai kumno ban long adkar ban lait na ka jingpang ñiangkulia, bad ki jingkyrni jong u drok bad kiwei kiwei ki jingdih pynbuaid ha ka imlang sahlang.
Namar ka jingkiew sted bad jing saphriang u ñiangkulia bad u drok ha ka Jylla, te kumta ka kynhun kan pynlong ïa kane ka rynsan ïakop ïakhun kti ha ryngkat ka jingpynsngewthuh paidbah khnang ba baroh ki nongïashim bynta, ki nongïasakhi kin ïoh ka jingpynshai halor kane ka bynta.
Ki bor pynïaid jong kane ka jingïakop (Champion of Champions) kin ïoh da ka song pisa. Ki kyrdan ïakol ki long ha ha liang ki shynrang shynrang, Below 55 kgs kin hap hapoh ka Feather Weight, Below 65 Kgs kin hap hapoh ka Light Weigh Below, 75 kgs kin hap hapoh ka Mid Weigh Above, 75 kgs kin hap hapoh ka Heavy Weigh. Katba ki kynthei ki Kynthei Below 50 kgs kin hap hapoh ka Feather Weigh Below, 55 Kgs kin hap hapoh ka Light Weigh, Below 60 kgs kin hap hapoh ka Mid Weigh, Above 60 kgs kin hap hapoh ka Heavy Weigh. Ïa ki jingtip ba kham bniah ki lah ruh ban phone ha ki number 7005861828 (J. Kharbuli), 9774534908 (S. Kshiar), 8258958333 (K. Lynshing) & 9774100270 (R. Wankhar).
