Imphal, Naitung:
Ki la don kumba 31 ngut ki MLA na Manipur kiba la dep ban buh ka jingkyrpad ïa u Myntri ka tnat ki kam pohïing jong ka sorkar kmie u Amit Shah na ka bynta ban pynstet ha kaba ïadei bad ka jingpyntreikam na ka bynta ka jingker pud ha ki bynta jong ka khappud India-Myanmar ha ka jylla khnang ban khanglad ïa ka jingrung jong ki lehnoh bad kiwei pat ki nongshun kiba nabar.
Ki MLA ki la buh ka jingkyrpad jur ïa u Shah ba un shim ki lad ki lynti ban ïakhun tyngeh pyrshah ïa ki riewkiengatiar bad ban khanglad ïa ka jingrung jingmih jong ki lehnoh kiba lah ban buh jingeh ïa ka jylla Manipur. Nalor kane, ki la buh ruh ka jingkyrpad na ka bynta ban pynïoh ka shongsuk-shongsaiñ ha ka jylla, la ong ka jingthoh ba la phah da ki heh ba dei khmih khlem da pynpaw ïa ka kyrteng jong ki lehnoh Kuki.
