Shillong, Naitung 17:
Ka lympung ïalehkai U-14 Boys Football League 2023 ba la pynïaid da ka Shillong Sports Association ka la nangjam shaphrang ha kaba ka Mylliem SC ka la khur ïa ka jingjop ha ka lah sngi U Blei ha madan Polo.
Kane ka nam jop ka la wan hadien ka la lah ban pynliem noh ïa ka Mawpat SC da 2-1 kol lyngba u Rebuildstar Langstieh bad u Premier Kurkalang. Naduh kaba sdang baroh ar ki kynhun ki la ïakhun tyngeh, hynrei ka Mylliem ka la ïoh ban pynkhih jar nyngkong eh lyngba u Rebuildstar Langstieh ha ka minit kaba 10. Hadien shiteng kynta ka Mawpat ka la lah ban pynphai kylla lyngba u Derrick Mawrie ha ka minit kaba 36 na ka bynta ban ïakhaid mar shi kol.
Hashwa ban kut ka jingïalehkai ka Mylliem ka la ïoh ban thep biang sa shi kol lyngba Premier Kurkalang ha ka minit kaba 55 na ka bynta ban khur syndon ïa ka jingjop.
