Shillong, Naitung 17:
Ka Sten United F.C ka la jam sah kawei pat ka wat jingïakhun kaba ar ha ka ha ka lympung ïalehkai Knockout Football Tournament 2023 ba la pynïaid da ka Ri Khasi Social & Cultural Sports Club.
Kane ka la wan hadien ba ka la lah ban pynliem noh ïa ka Umeit F.C lyngba ka tie-breaker da 5-3 kol ha ka lah sngi U BLei ha madan Kurkalang kaba ha Bhoi Rymbong.
Ha kane ka jingïakhun baroh ar ki kynhun ki la pyrshang ban ïakhun tyngeh naduh kaba sdang. Ka Umeit ka la ïoh ban pynkhih jar nyngkong eh lyngba u Seibor Lyngdoh ha ka minit kaba 51, hynrei tang hadien ar minit u Shemphang u la lah ban pynïakhaid kylla na ka bynta ka Sten bad haduh kaba kut ka jingïalehkai kim shym la lah shuh ban thep kol bad ki la mad ïa ka jingïakhaid.
Lyngba katei ka jingïakhaid ha kaba ka la pynlong ïa ki bor pynïaid ban pynïashut ïa ka tie-breaker ha kaba Sten United ka la ioh ban thep da 5-3 kol na ka bynta ban khur syndon ïa ka jingjop.
Kane ka lympung kan bteng biang ha ka 22 tarik ha kaba ka Jaguar F.C kan ïakhun pyrshah ïa ka Ibarial F.C.
