Shillong, Naitung 17:
Ka Meghalaya Swimming Association (MSA) kan pynlong ïa ka prokram ban jied ïa ki khynnah kiba don ïa ka sap jngi na ka bynta ban leit ïashim bynta ha ka Junior bad Sub-Junior National Aquatics Swimming ka long ha ka 22 tarik mynta u bnai ha pung Crinoline naduh ka por 8 baje mynstep.
Kat kum ka kyrwoh ba la pyllait da u Secretary ka MSA u Bah Ian Lyngdoh, la kyntu ïa ki nongjngi kiba don jingthmu ban ïashim bynta ban pynrung kyrteng ïalade ha katei kajuh hi ka sngi kata naduh ka por 7:30 mynstep ha kajuh ka jaka.
Ha kaba ïadei bad ka 50mtr jong baroh ki stroke, yn jied kut kum ka jinglah ban pyndep hashwa ïa ka por ba la buh.
