Panbor B. Lyngdoh
Ki snem ki la dep ïaid lynti ka State Meghaloi, hynrei sngewsih ban kynthoh hangne ba haduh mynta ki khyllipmat kam pat lah satia ban wanrah ïa ka shongsuk – shongsaiñ (peace & tranquility) khamtam sha thaiñ Border bad ha man la ki District Head Quarter, mynta la nang jyllei ki kam tuh kam thiem khamtam eh ha ka por miet ba dang thiah jahthait lyngngai – kynjai ki Nongshong Shnong hapoh ka jingkynoi ka miet ba jai jai. Haduh ba ïa ki dukan 10.00 baje mynmiet la hap ban khang noh, kaba la ktah jur ïa ki Tourist lane ki nongwan lynti jngai. Balei mo ?
Ka daw ba kongsan eh dei ba dang duna shaba palat ki Police Batalion (armed), District Executive Police Force(unarmed & armed),Traffic Police Force (unarmed) bad Tourist Police Force (unarmed). Ha man la ki District HQ dei ban don kawei ka Police battalion (armed), ki Heh – hain pat de dang iohthiah.
Shim nuksa – u Assam u pahuh shaba palat ïa ki Police Batalion etc., tang ki Black Cat Commando u don haduh 2 batalion lehse mynta la nang kham bun, na kata ka daw sha ki thaiñ Border khamtam sha State, u pyndap da ki Batalion, mangi pat de, da khongpong ngi lynñiar khynñiuh rih tieng, bym don Police ban pynshngaiñ.
U Mizoram, Arunachal ki pahuh bha ïa ki Police Batalion etc., u Nagaland ñiulei u don 14 tylli ki District, katba Police Batalion (armed) pat u don haduh 16 Batalion (armed), nangta sa ki District Executive Police Force (armed & unarmed), Traffic Police Force (unarmed) bad ki Tourist Police Force (unarmed) ka uniform jong ki dei light Blue colour, White border ki Kali ruh kumjuh. Te, haba dang duna Police Batalion kumne. Hato balei bym pan kylliang napoh Nagaland 2 Batalion, khnang ban ioh sharai peitngor ïa ka State, namar ba dang don tang 6 Batalion jingdonkam pat de 12 Batalion.
Ha ka jingshisha donkam Police Batalion na ka bynta 12 tylli ki District kumne harum:-
1.Police Batalion (armed) na ka 12 Batalion, donkam sa 6 Batalion x 2000 personel = 1,20,00
(2000 ngut na ka bynta 1 Batalion)
Mynta don tang 6 Batalion (armed) kine kijuh ki dei beit ban peit tang sha ki thaiñ Border
2.District Executive Police Force (Unarmed) 4 Batalion = 80,000
3.Trafic Police Force (unarmed) 4 Batalion = 80,000
4.Tourist Police Force (unarmed) 1Batalion = 20,000
Ynda haba la biang lut kumba la kdew haneng, kaba mut mangi ki Nongshong Shnong ngin ioh thiah ioh dem suk, lyngba ka jingpynïaid bastad jong ki Authority concern bad ki Police Forces bapher bapher, ki samla ruh la ioh kam – jam, ki Tourist pat ki ioh lad la kumno kumno haduh 12.00 midnight. Hynreij kumba ka long mynta ngi im hapoh ka jingtim, namar ba la bun shaba palat ki Heros – Zero khynnah samla Shynrang Khasi – Khasoi Schedule Tribe (riewkhlaw) ha ka por ba ki buaid tanglang, manga ïalade ruh uba dih, tangba ngam ju pynkulmar ha lynti syngkieng ba ïaid ki paidbah.
Te, la kyrpad ïa ki MLA/MDC badon burom ba kin kyndit bynriew noh. Namar ban shu ïai im Schedule Tribe (riewkhlaw) kumne kam long shuh, klet noh ïa ka akor – burom ïa kaba ngi la duh naduh ki snem ba la leit noh.
