Guwahati, Naitung:
Ka jinglong jingman ha ka jylla Assam ka la sdang ïaid beit ïaid ryntih kumba la sakhi ha ka sngi Ba-ar. Ha kaba ïadei bad kane, ki la jan don 89,000 ngut ki briew kiba dang shah ktah na ka jingshlei um ha ka jylla. Ki la don kumba 16 tylli ki distrik jong ka Assam kiba dang shah ktah na ka jingshlei um.
La ïathuh ruh ba ki la don kumba 8 ngut ki briew ha kylleng ka jylla kiba la duhei ïala kajong ka jingim namar ka jingwan jong ka jingshlei um ha une u snem. Ki la don baroh kumba 88,911 ngut ki briew ha ki 16 tyllli ki distrik kiba dang shah ktah na ka jingshlei um, la ïathuh ki heh jong ka Assam State Disaster Management Authority (ASDMA).
