Agartala, Naitung:
Ka sorkar Tripura ha ka lah sngi U Blei ka la ïoh ban pynjulor ïa u drok ba la ïoh ban kurup bad kiwei pat ki song jong ki jingdih pynbuaid kiba la kot sha ka T. 9.5 klur, ha kaba u Myntri jong ka tnat ki kam pohïing jong ka sorkar kmie u Amit Shah u la sakhi ïa kane ka jingpyntreikam lyngba ka Video.
Ïa kane ka prokram ba la pynjulor ïa u drok la pynlong da ki pulit jong ka Tripura ha Radha Kishore Nagar kaba don ha ka bynta kaba shaphang Sepngi jong ka Tripura.
Ki la don baroh, 5,473 kilo u Ganja, 5,138 bitor ki dawai jyrhoh, 19,313 tylli ki kuli Yaba bad 6,381 gram u Heroin ba la ïoh ban pynjulor. U Shah uba la don bynta ha ka jingïalang ban ïaphylliew jingmut halor ka jingsniew jong u drok, ha New Delhi, u la ai ka jingïaroh ïa ka sorkar Tripura bad u la kyntu ïa kiwei pat ki jylla ba kin bud ïa ki nuksa jong kane ka jylla khnang ban lah ban ïakhun pyrshah halor ka kam khaïi ïa u drok.
