Agartala, Naitung:
Hadien ka seng CPI-M, baroh ki seng ka liang pyrshah, kynthup ïa ka seng Congress, ha ka sngi Balang ki la dawa ba la dei ban pynlong biang da ka jingtohkit ha kaba ïadei bad ka jingshah pynïap jong u heh pulit ka Tripura u Durga Kumar Hrangkhwal bad ban pynshitom da kaba tyngeh ïa ki runar kiba la donkti ha kane ka kam thombor.
Une u heh pulit u la shah pynïap ha ka 21 tarik, Naiwieng, 2019. Ki seng ka liang pyrshah kiba kynthup ïa ka Tipra Motha Party (TMP), Congress, bad Trinamool Congress, ki la dawa na ka sorkar BJP ba ka la dei ban pynlong biang da ka jingtohkit halor ka jingshah pynïap jong u heh pulit bad ban pynshitom da kaba tyngeh ïa ki nongkhaïi drok kiba la shah kynnoh donkti ban pynïap ïa u.
