Bogot, Naitung:
Ki bor pyniaid ka Colombia ha ka Sngi Balang ki la iathuh ba 5 ngut ki heh saiñ pyrthei bad uwei u nongñiah jong ka liengsuiñ rit, ki la khlad noh hadien ba katei ka liengsuiñ ba ki shong ka la leit hap bakla ha ki bynta phang pdeng jong ka Colombia ha katei ka sngi.
Kitei 5 ngut ki nong-ialam ki dei ki dkhot jong ka Right-wing Centro Democratico jong u President barim ka Colombia- u Alvaro Uribe.
La ong ba katei ka liengsuiñ ka la leit hap bakla ha ka thaiñ municipal jong ka San Luis de Gaceno kaba don hapoh jong ka tnat Boyaca.
Katei ka liengsuiñ rit ka dei kaba mih na Villavicencio ban leit sha Bogota na ka bynta ka jing-iakynduh jong kitei ki heh, kumba la pynbeit ban long ha katei ka jaka.
Haba iadei bad kane, u President Gustavo Petro u la phah ia ka kyrwoh sngewlem sha ki bahaiing- hasem jong kitei ki nongialam baroh, kum shi bynta ruh ban pynpaw ia ka jingsngewkhia halor ka jingduh noh ia ki dkhot jong ka ïing thaw aiñ ha kum katei ka jingjia ba sniew bok ha kane ka por.
