Jowai, Naitung 21:
Ka Mookaswan Dongwah bad ka Mukhla Umlangshor ki la khur jingjop ha ka lympung ïalehkai 3rd Division Football Tournament na ka bynta ka 3rd Adelbert Laloo Memorial Trophy ba la pynïaid da ka West Jaiñtia District Sports Association.
Ha ka jingïakhun kaba la long ha madan Kiang Nangbah Stadium Ladthalaboh Jowai ha ka Sngi Thohdieng, ka Mookaswan Dongwah ka la pynliem ïa ka Pasyih Cultural lyngba ka shi kol ba thep da u Bor Shylla ha ka minit kaba 66.
Ha ka jingïakhun kaba bud, ka Mukhla Bumlangshor ka la pynliem ïa ka Loompyrdi Ïongpiah da 5-1 kol.
Ïa kine san tylli kol jong ka Mukhla Umlangshor la thep da u Mihthyme Sumer ha ka minit kaba 33, Ryngkat Sumer (48), Nangtei Shylla (57), Rioo Lyngdoh (59) bad Niawkor Sari (64). Katba ïa ka shi kol jong ka Loompyrdi Ïongpiah la thep da u Salankiru Passah ha ka minit kaba 54.
Ka jingïalehkai ha ka Sngi Saitjaiñ kan long hapdeng ka Luti Tuber Ïalong pyrshah ïa ka Tpep Pale ha ka por 10.30 mynstep, katba ka Moodymmai ïa ka Lumsliarsliar ha ka por 12.00 mynsngi.
