Imphal, Naitung:
Ka sorkar Manipur ka la pan ïa ka jingpynshai na ka tnat shipai Assam Rifles ha kano ka rukom ba ki 718 ngut ki nongshong shnong jong ka Myanmar, kynthup ïa ki 301 ngut ki khynnah, ” ki la ïoh jingbit ba kin rung hapoh India” khlem ki kot ki sla kiba biang tang hapdeng ki ar sngi hapdeng ka 22 tarik, Naitung bad ka 23 tarik, Naitung.”
U Chief Secretary jong ka Manipur u Vineet Joshi u la ong ba ka jingïakren bad ka tnat Assam Rifles ka la long ha ka miet jong ka lah sngi U Blei ha kaba ïadei bad kane ka juh ka bynta, ka sorkar jylla ka la pyntip sha ka Assam Rifles, kaba la dei ba pahara ha kitei ki jaka ba ki la dei ban khanglad ïa ka jingrung jong ki nongshong shnong jong ka Myanmar ha Manipur ha kano kano ka bynta khlem ki Visa kiba treikam ne khlem ki kot ki sla kiba biang katkum ka jingpynïaid jong ka Ministry of Home Affairs, Government of India.
Ki shipai Assam Rifles hashwa ki la pyntip sha u Deputy Commissioner jong ka Chandel distrik ba ki la don kumba 718 ngut ki poiwir kiba la ïaid lyngba ka khappud Indo-Myanmar bad rung ha Manipur lyngba ka Chandel distrik ha ka 23 tarik, Naitung, namar ka jingdon jong ki jingïakynad ha Khampat.
