Islamabad, Naitung:
Ha kane ka khubor, la ong ba u nongialam ka seng Pakistan Tehreek-e-Insaf (PTI), u Imran Khan, uba long ruh u Myntri Rangbahduh barim ka Pakistan, u la shah kawang da u bilor um katba u dang don hapoh ka ïingbishar ha Katcheri jong ka nongbah Islamabad ha ka Lah Sngi U Blei. Hynrei la ong ba utei u nongialam u la ioh ban kynriah khlem jingmynsaw eiei ha katei ka jingshah kawang.
La iathuh ba kane ka la jia katba u Khan u dang iaid lynti shuwa ban rung noh shapoh ka ïingbishar.
Ha ki 2 sngi ba la leit, ka ïingbishar na Islamabad ka la ai por shi sngi ia u Khan ba un leit mih sha ka ïingbishar ha ka sngi kaba bud haba iadei bad ka jingjia ha Toshakhana.
Hynrei la ong ba namar ka jingbym biang ki lad jingiada ia utei u nongialam ha katei ka sngi, ki don kiba dang ioh lad ban kawang bilor um ia u ha ka por kaba khlem poi pyrkhat hynrei la ong ba utei u bilor um ruh um shym la dei ia utei u nongialam ka PTI ha katei ka por ba shah kawang.
