Caen, Naitung:
Ki pulit jong ka France ha ka Sngi Ba-ar, ki pyntip ba 2 ngut ki briew ki la shah siat iap ha ka jingjia khaïi drok hapoh ka shnong Evreux jong ka phang North hapoh France.
Hynrei la ong ba kitei ki nongsiat ki la phet noh na katei ka jaka tang mar ia dep siat iap ia kitei ki ar ngut ha katei ka jaka. Kane ka la jia ha ka por shiteng miet jong ka Sngi Nyngkong ha kaba kitei ki runar kiba synreit kuli ki shong napoh ka kali bad ki synreit kuli ruh sha kiba shong ha katei kawei pat ka kali bad hadien kata ki la phet khrad noh tang mar ia dep siat.
Ka daw halor kane ka jingjia ka lah ban long namar ki jingïakynad ha ka kam khaïi droks.
Ki jingïakynad bad ki jingiasiat hapdeng ki nongkhaïi droks ki jur bha ha ki bynta jong ka phang South hapoh ka nongbah Marseille hynrei kim ju kham jia pat kumne hapoh North Normandy ha kaba ka Evreux ka don.
