Jowai, Naitung 26:
Ka FAM bad ka Demthring ki la khur ïa ka jingjop ha ka Independence Day Cup Under-17 Football Tournament ba la pynïaid da ka West Jaiñtia District Sports Association (WJDSA).
Ha ka jingïakhun kaba la long ha ka sngi Balang ha madan Kiang Nangbah Stadium Ladthadlaboh Jowai, ka FAM ka la pynliem noh ïa ka Salaroh da 3-0 kol.
Ïa kine la thep da u Banchan Suchiang ha ka minit kaba 9, u Jeri Messi Pohdweng ha ka minit ba 44 bad u Kamjuhi Phawa ha ka minit kaba 49.
Ha ka jingïakhun kaba bud ka Demthring ka la pynliem noh ïa ka Catholic Youth lyngba ka shi kol ba la thep da u Dangkermi O Ryngkhlem ha ka minit kaba 26.
