Imphal, Naitung:
Sa uwei pat u briew ïa uba la shah kynnoh donkti ha ka jingjia kaba la saphriang lyngba ka Video ha Manipur kaba la pyni ba ki arngut ki kynthei ki la shah pynïaid lyngkhuit u la shahkem, une u dei uba hynñiew na ki runar kiba la shahkem halor ka jingshah kynnoh donkti ha ka kam leh donbor ïa ki kynthei, la ïathuh ki pulit. Une uba la shah kynnoh u la shahkem na Thoubal distrik ha ka lah sngi U Blei.
Kane ka Video kaba la saphriang kylleng ka la pynlong ïa baroh ba kin pynrem jur halor ka jingjia. Ïa u runar uba nyngkong uba la shahkem halor ka jingjia la kem da ki pulit ha ka sngi Palei, ka 20 tarik, Naitung, shi sngi hadien ba la saphriang ka Video. Sa lai ngut kiwei pat ki la shahkem kham hadien ha kane kajuh ka sngi. Ïa u runar uba san la kem ha ka sngi Saitjaiñ, une u dei uba la don 19 snem ka rta bad uba hynriew u la shahkem bad shah set patok, une u dei uba dang poh rta.
