Seoul, Naitung:
Katkum ki khubor la ong ba u Myntri ka tnat iada jong ka Russia, u Sergei Shoigu, un sa leit ban jurip sha North Korea naka bynta ka jingrakhe ia ka jingdap snem ka thma Korea (Korean War) ha kane ka por bad la ong ba kane ka jingleit jong utei u nongialam ka Russia sha North Korea ka la long ka sien ba ka North Korea kan plie biang ia ki khyrdop khappud hadien ba la khang khyrdep baroh shi katta namar jong ka khlam Covid-19.
Kumta, la ong ba ka kynhun shipai ba kyrpang jong ka Russian Federation hapoh ka jingialam jong u Myntri ka tnat iada ri- u Sergei Shoigu, kan sa leit ban ai khublei ia ka North Korea ha katei ka sngi naka bynta ban pynpaw ruh ia ka jingsngew jan ban pynskhem ia ka jingiatrei lang ha ki sngi ban wan.
