Seoul, Naitung:
U nongialam jong ka North Korea – u Kim Jong Un ha katei ka sngi u la pdiang sngewbha ia u Nongialm ka Russia ban nang pynjanai ruh ia ka jingiadei bad ka jing ïatreilang khamtam haba iadei bad ka jing pyndonkam ia ki ‘namding ‘Ballistic Missile’ jong ka North Korea kiba la shah khang pyrshah ha kiwei ki ri.
Utei u nongialam ka Russia- u Sergei Shoigu, ha ryngkat bad ka kynhun Myntri ka China kynthup ia ki dkhot ka Politburo, ki la leit poi ha North Korea ha katei ka sngi naka bynta ban leit ïashim bynta ha ka jingrakhe ia ka jingdap 70 snem ka jingkut noh jong ka thma Korea ‘Korean War’ hapoh North Korea.
Ia ki ‘namding jong ka North Korea, la khang noh da ka U.N. Security Council naduh ki por ba la leit hynrei la ong ba ka North Korea kam shym pynsngap ia kitei ki jingmaham bad jingbthah jong kiwei pat ki ri bad ka dang iai pynher ia kitei ki jait ‘namding na ka por- sha ka por. Ka jingleit jurip jong ki Myntri ka Russia bad China sha North Korea ka long ka jingplie biang ia ka lad jing iatrei lang hapdeng kitei ki 3 ri naduh ba ka NK ka la khang khyrdep ia ki khyrdop khappud naduh ba wan ka khlam Covid.
