Shillong, Naitung 27:
Hashwa ban sdang lai tylli ki jingïalehkai ODI pyrshah ïa ka West Indies, ka BCCI ka la hap ban pyllait noh ïa u Mohammed Siraj na ka kynhun ïalehkai ka ri na ka daw ka jingmynsaw ka kjat, la ong kane ka synjuk ïalehkai ha ka sngi Palei.
Kane ka kynhun kam pat shym la wad ban pynmih bujli ha ka jaka utei u nongkawang bol ba dang 29 snem ka rta.
“U la mynsaw ka kjat kamon bad ban lait na ki jingmynsaw ba kham jur la ai jingmut ïa u da ka kynhun ki nongsumar jong ka BCCI ba un shongthait shwa shipor.”
Ka kynhun kam pat shym la khot ïa ki rangïalehkai na ka bynta ban pynmih bujli ha ka jingïakhun jong ka ODI, ka ban long ha ka 27 tarik mynta u bnai ha Barbados,” la ong ka BCCI.
Ïa u Siraj la synran lang ïa u ba un leit phai noh sha la ïing da u Ravichandran Ashwin, KS Bharat, Navdeep Saini, KS Bharat bad u Ajinkya Rahane.
Ka India ka la jop shisien na ki ar tylli ki jingïalehkai Test da 1-0.
U Siraj um pat shym la ïadon bynta hapoh ka kynhun ïalehkai T20I pyrshah ïa ka West Indies. Hadien ka ODI yn pynbud sa san tylli ki jingïalehkai T20 internationals.
Ka India ka la dei ban ïakhun ha ka Asia Cup ha u Nailar-Nailur, ka ban pynbud sa ka ODI World Cup ha ka ïing ka ban long ha u Risaw-Naiwieng.
