Jowai, Naitung 27:
U Riphi O Shylla u la khur ïa ka hat-trick na ka bynta ban pynlong ïa ka 7 Wasa United ban khur ïa ka jingjop ha ka lympung ïalehkai Independence Day Cup Under-17 Football Tournament ba la pynïaid da ka West Jaiñtia District Sports Association (WJDSA).
Kane ka nam jop ka la wan urlong hadien ba ka lah ban pynliem noh ïa ka Mihmyntdu haduh 7-0 kol ha ka sngi Thohdieng ha Kiang Nangbah Stadium Ladthadlaboh, Jowai.
Ha kane ka jingïalehkai la ong ba tang mar ïasdang ka jingïalehkai ka 7 Wasa ka la ïoh ban pynkhih jar nyngkong eh lyngba u Saibok Tariang. Kane ka kynhun ka la ïakhun tyngeh shuh shuh ha kaba u Riphi O Shylla uba la khur ïa ka hat-trick, u la thep saw kol ha ka minit kaba 24, 26, 33 & 35. Katba ïa kiwei ar kol pat la thep da u Thankyou Mukhim ha ka minit kaba 29 & 42.
Ha ka jingïalehkai kaba bud hapdeng ka Mooknor Thadmuthlong pyrshah ïa ka Lion ka la kut ha ka jingïakhaid da mar 2-2 kol. Ïa ki kol jong ka Lion la thep da u Nikhil Shylla ha ka minit kaba 2 bad u Bankerlang Shylla ha ka minit kaba 58. Katba ki kol jong ka Mooknor Thadmuthlong la thep da u Heithrang Lyngdoh ha ka minit kaba 42 bad u Samuru Papiah ha ka minit kaba 50.
