Shillong, Naitung 28:
Ka lympung ïalehkai Football Knockout Tournament ba la pynïaid da ka Ri Khasi Social Cultural and Sports Club kan bteng biang mynta ka sngi Saitjaiñ ha kaba ka Mawtneng S.C kan ïakhun pyrshah ïa ka P.F.R. Academy ha ka por 2 baje noh phai sngi ha madan Kurkalang kaba ha Bhoi Rymbong.
Kane ka lympung kan bteng biang ha ka 2 tarik u Nailar ha kaba ka Meghalaya Police FT kan ïakhun pyrshah ïa ka Mylliem SC ha ka por 2 baje noh phai sngi. Kane kan dei artad ka jingïakhun kaba khatduh jong ka wat kaba nyngkong.
Na ka liang ki bor pynïaid ki la pyntip ba ka jingïakhun pre-quarter final kan sdang naduh 5 tarik u Nailar bad ka jingïalehkai kan long hapdeng ka Risyon FC pyrshah ïa ka Shillong Lajong FC (reserved team) ha ka por 2 baje noh phai sngi.
