Shillong, Naitung 28:
U coach barim ka Shillong Lajong FC u Alison Kharsyntiew u la shimti kum u coach ba thymmai ka kynhun ïalehkai ka Mohammedan SC (reserved team), la pynbna kane ka klob na Kolkata.
U Alison uba dei ruh u Asst. Coach ka NorthEast United FC, un hap ban shimti ruh ïa ka shlem ai jinghikai jong katei ka klob.
Na ka liang u Alison u la pynpaw ïa ka jingsngewkmen halor ka jingïoh ban shimti ïa katei ka klob. “Nga sngewkmen eh ban pynïasoh sha kane ka kynhun bad da ka jingtbit kum u coach ngan ïaleh ban kyntiew ïa kane ka shlem ai jinghikai bad ban sei ïa ki ’rang ïalehkai kiba kynsai ha ki snem ki ban wan.”
