Shillong, Naitung 28:
Ka kynhun ki ’thei bad ki ’rang ïalehkai ka Jylla hapoh ka lama jong ka Meghalaya Basketball Association (MBA) kin pynkhreh ban leit ïashim bynta ha ka 48th Sub Junior National Basketball Championship 2023 ka ban long ha Puducherry naduh 3 haduh 9 tarik u Nailar mynta u snem.
Ïa kane ka lympung yn pynïaid da ka Basketball Federation of India. Ka kynhun ïalehkai ka Jylla kan mih na ka nongbah ha ka sngi Saitjaiñ bad kan wanphai pat ha ka 12 tarik u Nailar.
Ki kyrteng ki ’rang ïalehkai ki kynthup ïa u Phrangsngi Rynjah, Atiar Bakynsai Bareh, Dakyrmen Nongsiej, Menlambha Sawkmie, Daniel L. Hmar, Joseph Hmingthantluanga, Arkielang Lyngdoh Mawphlang, Donelly D. Lyngwa, Edward N. Syiemïong, Darren E. Blah, Apara Fistos A. Sangma bad u Abarak K. Sangma. Ïa kane ka kynhun yn shimti da u Dulon Banjop Kharsati kum u Coach, Asst. Coach u Abhyan Changgu G Momin bad Manager ka Kong Yarisha Wahlang.
Haba phai sha ka kynhun ki ’thei ïalehkai ki long ka Elyzia Nengnong, Haphimanbha Kharkamni, Rimesha Kharbyngar, Maphibansan Lyngwa, Cassandra Rijanai Pasi, Angelica Lyngdoh, Asorphi Lyngdoh Mawlong, Ibanpynhun Khongshun, Wankmenbiang Mawlong, Ibaphylla Shympliang, Deimi Dorimit Alaska R. Marak bad ka Mechira N. Sangma. Ïa kane ka kynhun yn shimti da ka Kong Larihun Warjri kum ka Coach, Asst. Coach ka Kong Bashisha Rani bad Manager ka Jessica T Sangma.
