Shillong, Naitung 30:
Ka Barcelona ka la bteng ban khur jingjop ha ka jingleit ïalehkai paralok sha USA, hadien ba ka la pynliem noh da 3-0 kol ïa ka Real Madrid ha ka jingïalehkai kaba la long ha Arlington, Texas.
U Ousmane Dembele u la ïoh ban khyrwit ïa ka kol kaba nyngkong tang katto katne minit jong ka jingsdang ka jingïalehkai, katba ïa ka kol kaba ar bad ba lai pat la thep da u Fermin Lopez bad Ferran Torres.
U rangïalehkai ba la soi thymmai u Jude Bellingham u la ïoh ban mih madan ha kane ka jingïalehkai bad ka bol kaba u la shut ka la leit ban dei beit ïa u diengkol.
