Jowai, Naitung 30:
Ka Ladthadlaboh Sports Club ka la khur jingjop ha ka lympung ïalehkai Independence Day Cup Under-17 Football Tournament ba la pynïaid da ka West Jaiñtia District Sports Association (WJDSA).
Kane ka jingjop ka la wan urlong hadien ba ka Ladthadlaboh ka la pynliem noh ïa ka FAM da 2-0 kol ha ka jingïakhun kaba la long ha madan Kiang Nangbah Stadium, Jowai ha ka sngi Saitjaiñ.
Ïa kine ki ar kol jong ka Ladthadlaboh la thep da u Chanmi Phawa ha ka minit kaba 51 bad u Fourly Phawa ha ka minit kaba 57.
Haba phai pat sha kawei ka jingïalehkai jong kane ka lympung, kaba la long hapdeng jong ka Sohmynting Sports Club pyrshah ïa ka Pynthor Youth Social Welfare, ka la kut noh ha ka jingïakhaid khlem da don kiba lah ban pynkhih jar.
