UN, Naitung:
U heh ka United Nations (UN), u Antonio Guterres ha ka Sngi Palei u la kyntu ia ki tnat bapher jong ka pyrthei ban shim khia noh halor ka jingkylla ka suiñ bneng namar ka jingkhluit jong ka pyrthei ha une u Naitung ka la tam ia ka jingbuh rekod ha baroh shi katta ki por bad ki snem ba la leit bad ka long ka jingma kaba khraw ia ka pyrthei lada lah palat ka jingkhluit.
Haba ai jingkren sha ki lad pathai khubor hapoh New York, u General Secretary ka UN u la ong ba ka jingkhluit jong ka suiñ bneng ha kane ka Lyiur ka long kaba palat haduh katta bad kam long shuh ia ka pyrthei ban dang kheiñ sting ne leh bym suitñiew ia ka jingkylla ka suiñ bneng ha kane ka por.
