Jowai, Naitung 30:
Ka Myrjai Sports Club ka la khur ïa ka jingjop, katba ka Da I hi Mynsngat Sports Club bad ka SCSC Nonglatem ki la ïakhaid bad ban ïasam mar shi point ha ka lympung ïalehkai 3rd Division Tournament Football Tournament-3rd Adelbert Laloo Memorial Trophy ba la pynïaid da ka West Jaiñtia District Sports Association (WJDSA).
Haba phai sha ka jingïakhun kaba la long ha madan Kiang Nangbah Stadium, Jowai ha ka sngi Saitjaiñ, ka Myrjai ka la lah ban pynliem noh ïa ka Khlieh Shnong Ialong da 2-0 kol. Ïa kine ki kol jong ka Myrjai la thep da u Jumonki Phawa ha ka minit kaba 5 bad u Bahduh Phawa ha ka minit kaba 44.
Haba phai pat sha ka jingïalehkai kaba bud, ka jingïakhun kaba la long hapdeng jong ka Da I hi Mynsngat pyrshah ïa ka SCSC Nonglatem ka la kut noh ha ka jingïakhaid da mar shi kol bad ban ïahun ban ïasam mar shi point.
Ïa ka kol jong ka Da I hi Mynsngat la ïoh ban thep da u Heltwis Pyrtuh ha ka mint kaba 45 katba ïa ka kol jong ka SCSC Nonglatem la thep da u Living Suja ha ka minit kaba 60.
