Panbor B Lyngdoh
Hapoh Sor Shillong jaboh – jabaiñ ïa ki building baheh baheh don napdeng jong kine kiba sñiewdur, don pat kiba bha briew dur, napdeng jong kine ki building don kiba tei da kaba kamai Umsyep HOK don pat kiba kamai da ka Umsyep kaba shukor – THOK – tuh.
Wat lada ngi la iohi kat kine ki building baheh baheh, kaba la pynlyngngoh kyndit ïa ngi ki Paidbah, ba kumno mo? Ka Meghaloi ka hap ha ka kyrdan kaba 2 (se-cond) ha ka liang jong ka jingduk tasam ST hapoh ka Ri India baieid jong ngi?
Te, ha kaba ïadei bad kane ka mat (issue) baroh ngi tip ïa ka daw (genuine good reason) tangba ngim shlan satia ban pynpaw ïa ka jingshisha bad kane ka dei ba ïa ka Pisa ba dei ban poi sha kiba Duk ST (less fortunate) kam ju poi, lada poi ruh duna shibun eh na kaba dei ban ioh, te, kumta haba kam poi kumne katkum ki jingdonkam, ngi kiba Duk ngi ïai kylla Duk shi Duk (katba nang rep, nang syrdep).
Balei mo? Ka Pisa kam poi shaba dei ban poi? Hangne ruh ngi tip shai kdar (crystal clear), ïa ka daw. bad kata ka dei ba la shongkulai ka jingbuaid – tyngka. Ym dei satia buaid – kyiad. Hooid, mynta ïalade ba nga la tymmen ngam lah shuh 1/2 bilor man la ka sngi, tang mynmiet shwa ban bamja miet tuk – tak tang ban bang ka Ja -jingtahmiet, katba ha ka buaid – tyngka ym ju don jingthew, dei ka Plapei tyngngian shi tyngngian lano-lano ruh kam ju dap, namar kaba shu pei beit baroh 24 kynta.
Kumba ka long mynta shim hi ïa ki Govt, contract works order bad hadien ba la dep trei thohmut – thohmat soi hi ïa ki Bills. Hooid, don kata ka Anti Corruption Directorate, u Khlieh dei u Commissioner Vigilance, tangba hangne ruh shitom ban trei kam. To, ïa U TRAI ngin ïaroh bad ïa ka Pisa ngin ïa TROH.
Namarkata la kyrpad jur ïa kito kiba dei peit ïa ka Pisa – pilaiñ ba kin sngew-bha nangne sha khmat ban pynpoi ïa ka Pisa thik tang shaba donkam, ym dei ban jah noh ha lynti bad poi sha ki Plapei buaid – tyngka, khnang ba ngin ïa kiew ha ka liang ka jingriewspah.
Lada phi dang ïa mlien ban pynpoi tang sha ka Plapei, buh jingkynmaw ba ngin nym lah ban shuh ban khie-khlieh. U paralok jong nga u la ïathuh khana, ade, phi tang ban ioh ïa ka jingsoi ne signature na ki Heh ki haiñ donkam ban bret Rs 5,000.00 – 10,000.00.
Balei mo shu ïai ud shaphang ki Coke Factory, etc ? Kine baroh ki pynpaw tang ïa ka jingarsap jong ngi hi, namar ba ha ka por ba ki wan tei ïa kine ki Coke Factory ki shnong lane ki paid nongshong shnong, lane ki seng bhalang lane ki bor pynïaid shnong ki tip bha, namar ba trei kam ka jingbuaid – tyngka.
Baroh ngi tip ba kino kino ki Projects, ki Nongpynïaid Shnong ki dei ban tip katkum ka Aiñ Sorkar, te, kumno pat shaphang ki Coke Factory? Balei ka Shnong bad ki Nongpynïaid Shnong kim tip seh? Ngam lah phi ban shu tei Coke Factory katkum ka mon sngewbha ba laitluid jong nga ha Shnong la jong khamtam sha Shnong jong kiwei pat, khlem da ioh bor (NOC) na ki khlieh nongpynïaid Shnong.
Lada ngi pyndonkam ïa ka common sence. Hangne ngi dei ban sngewthuh ba don ei – ei kaba shyrkhei (horrifying wicked) sha lyndet, te, kumta ngi shu ud arsap. Sngewbha sangeh noh ban pynpaw ïa ka jingbiej arsap jong ngi ki Rengmattah. Namar ngin nym lah satia ban pynbiej ïa ki Bar jylla ba stad.
Ka jingpaw kyrteng jong ki Crorepatti tang 12 ngut na ka 20 ngut tang ki Politician suda. Nangno mo ki ioh Pisa? Ym don non – Politicians bad kam mut satia ba ka Meghaloi ka dei kaba riewspah. Namar ïa ka Pisa jong kiba Duk tasam ST la kjit lut ki Pla – pei (buaid – tyngka).
