Jowai, Naitung 30:
Ka Rympei PIP Sports Club ka la ïoh khur ïa ka nam lahduh jong ka lympung ïalehkai ba la tip kum ka “1st Open To All 40 Above Veteran Cup Football Tournament” ba la pynïaid da u Marlangki & Friends.
Kane ka nam lahduh ka la wan urlong hadien ba ka Rympei PIP ka lah ban pynliem noh ïa ka Friends United da 1-0 kol ha ka jingïakhun final kaba la long ha madan Mini Stadium, Wahiajer ha ka sngi Saitjaiñ.
Ïa ka shikol ka Rympei PIP ha kane ka jingïa-lehkai final la ïoh ban khyrwit da u Marlangki Suting ha ka minit kaba 36 kaba la biang pura ïa ka Rympei PIP ban jop ïa kane ka jingïalehkai.
Ka Rympei PIP kaba long ka lahduh, ka la ïoh ban khur ïa ka song pisa kaba 30 hajar tyngka katba ka Friends United kaba ka la shah rem ha ka final ka la ïoh khur 20 hajar ryngkat ka trophy.
Ïa kane ka lympung ïalehkai la wan ban pynhap pyrda da u Waheh Shnong barim ka Wahia-jer u Bah Kmenlang Shylla ha ka jingïalang lyngkot kaba la pynïaid da u Da-u-ni Phawa ha ka jingdonlang ki katto katne ki riew rangbah ka shnong bad ki nongkyrshan jong ki kynhun.
