Marseille, Naitung:
Katkum ki khubor la ong ba u nongñiah jong ka liengsuiñ ba kit ia ki nong shang kai pyrthei u la leit pynhiar noh ia ka liengsuiñ ha ki bynta um shaphang Shathie jong ka France ha ka Sngi U Blei hadien ba ka engine jong katei ka liengsuiñ rit ka la sangeh treikam. Hynrei ka long kaba sngewtynnad ba baroh kiba shong ha katei ka liengsuiñ rit kim shym la mynsaw eiei.
Katei ka liengsuiñ Cessna 177 ka la hiar noh na ka jingjrong ba 600 metre lane 1,968 phut bad ka la leit hiar noh sha ki bynta ba don ka um hajan ka Mediterranean Resort jong ka Frejus ha ka por kumba 10 duna eiei.
La ong ba u nongñiah jong katei ka liengsuiñ u leit hiar khnang sha katei ka bynta ban ym ngat ha ki bynta rud duriaw bad ban leh ia kata, la ong ba ka long kaba donkam ban tip bniah bad shemphang bha ha katei ka kam bad kumjuh ruh tang haba bha ka bok lada thaw ban lait na ki jingmynsaw.
Ki tnat pynlip ding ki la leit her mar-mar sha katei ka jaka tang mar ia ioh jingtip halor katei ka jinghiar kyrkieh jong katei ka liengsuiñ ha katei ka step bad ka la ioh ban pyllait im noh ia 2 ngut ki kynthei bad uwei u briew na katei ka liengsuiñ.
