C. B. Iawphniaw
Ngi la kren ïa ka ishu ka jaitbynriew ki long kum kine? U pud u sam, ka khyndew ka shyiap, ka ktien ka thylliej, ka riam ka beit bad kiwei kiwei. Kine ki long ka kam ïap kam im ka jaitbynriew. Ym kiwei kiwei ki ishu ban pynïahap bad ka jaitbynriew.
Namar lada ngi duh noh ïa ka khyndew ka shyiap, ïa ka ktien ka thylliej ïa ka riam ka beit kata ngi la duh noh ïaka nam kum ka jaitbynriew. Ngi dei ka jaitbynriew Hynñiewtrep kaba kynthup ïa ki Khynriam, ki Pnar, ki Bhoi, ki War, Ki Maram bad Lyngngam. Kano kano ka ishu kaba ktah salonsar ïa ka jaitbynriew kata ka dei ka ishu ka Jaitbynriew.
Ngi dei ban ïeng skhem ban ïada ïa kine ki Matti ka jaitbynriew. Lada ngi duh noh ïa kine ki matti ka jaitbynriew, ka la jah na kane ka snieh pyrthei. Ban pynlong ishu jaitbynriew ïa ka thungkam thungjam ne kata ka reservation policy kam sngew ïahap kumba wanrah ka seng VPP. Namar wat ka I. L.P ruh kam da dei kata ka mat kaba ktah ïa ka jaitbynriew.
Lada ngi ioh ne ngim ioh ïa ka ngim rat da duh jait. Hynrei lada ngi duh noh ïa ka khyndew ka shyiap ka ktien ka thylliej, ka riam ka beit bad ka riti ka dustur kata ngi la duh jait noh kum ka jaitbynriew Khasi ne Hynñiewtrep.
