Moscow, Naitung:
Ki bor pyniaid ka Russia ha ka Sngi U Blei ki la pyntip ba 8 ngut ki briew ki la khlad noh bad 10 ngut kiwei pat ki la mynsaw na ka jingshah ban dieng hadien ka jingkhyllem ki dieng na ka jingleit iaid lynti jong ka ‘eriong sha ka thaiñ Mari El.
La ong ba kitei ki 8 ngut kiba khlad ki dei na Mari El bad kiba la ngat ha ka jingtwa ka iing na ka jingkhyllem ki dieng kiba don hajan ka iing ba ki shong ha katei ka thaiñ.
Ka Mari El ka don sha ka phang North jong ka wah Volga River hapoh Russia bad ka Yoshkar-Ola ka long ka nongbah ba heh tam jongka.
Ka tnat iarap jong ka Russia pat ka la pyntip ba kumba 100 ngut ki dkhot jong ka kynhun iarap ki la leit poi sha katei ka jaka ban khyllie ia kitei ki kynrum- kynram bad ki bynta ba la julor bad ba la tap ia kitei kiba mynsaw bad ba khlad baroh hapoh katei ka jaka.
Hynrei ka daw kaba pynlong ia ki ba kin ngat ha kum katei ka jingjia, ka long namar ba kitei ki nongleit shang kai pyrthei kim shym pynsngap ia ka jingmaham na ka tnat khmih suiñ bneng kaba la pyntip ia ka jingma kaba ap na ka jingsniew ka suiñ bneng ha katei ka thaiñ.
