Nongstoiñ, Naitung 31:
Ka Eastern West Khasi Hills District Badminton Association (EWKHDBA) ka la ai khublei kitbok kitrwiang ïa ki 13 ngut ki khynnah ïalehkai ki ban leit ïashim bynta ha ka 38th Meghalaya State Badminton Championship 2023.
Ki nongkitkam ha ka kyrwoh khubor ki la pynpaw ba na ka liang ka synjuk ka la leh burom bad ai khublei kitbok ïa kitei ki khynnah ïalehkai ha ka jingïalang kaba la long ha ka Lah Sngi U Blei ha Indoor Stadium kaba ha Mairang.
Shuh shuh na ka liang ka synjuk ka la pyntip ruh ba kitei 13 ngut ki khynnah ïalehkai kiba ka synjuk ka la ïoh ban phah ki kynthup ha ka Under-13, Under-15 bad Under-17 bad Men’s Doubles.
Lah ban kdew hangne ïa katei ka lympung yn sdang naduh ka 2 tarik haduh 5 tarik u Nailar ha Indoor Stadium Nongstoiñ, West Khasi Hills.
