Shillong, Naitung 31:
Ka kynhun ki nongïalehkai badminton hapoh ka lama jong ka Young Talent Badminton Club (YTBC) kin mih na ka nongbah ban leit shim bynta ha ka 38th Meghalaya State Badminton Championship.
Ïa kane ka lympung ïalehkai yn sdang naduh 2 haduh 5 tarik u Nailar mynta u snem ha Nongstoiñ, West Khasi Hills.
Kine ki kynthup ïa ka Haphisha A. Massar, Deiphisha Dohling, Sanibha Suting, Lalniarika Tymthai, Wansuk Shylla, Zinnia M. Kahit, Cathrine Lyngdoh bad ka Cathrisa Lyngdoh. Katba ha ka liang ki shynrang ki long u Alfred Kharwanlang, Namtam Kharbuli, Lawan Wanñiang, Vickie Nongrang, Mark R. Jala, Unrisani Syiemlieh, Nethaniel Kharmawphlang, Hasel Nelson Shabong bad u Benhanan Kharwanlang.
Ïa kane kynhun yn ïalam da u Bah Kynsailang Mylliem Umlong kum u coach bad u Bah Donborson Warjri kum u Manager.
Kitei ki nongïalehkai ka YTBC kin ïashim bynta ha ka kyrdan ïalehkai jong ka Mini- Junior, Sub- Junior, Junior bad Senior.
Kumta na ka liang u Secretary jong ka klob u Bah Sunny Warjri u ai khublei kitbok kitrwiang ïa ki khynnah ba kin ïalehkai bha khang ba kin ïoh ïa ka lad ban ïashim bynta sa ha ki lympung ïalehkai National level ki ban sa long ha kylleng jong ka ri India.
Shuh shuh u Bah Warjri u la ai khublei ruh ïa ki principal jong ki skul bad kolej kiba la shah ïa kine ki khynnah ban leit ïashim bynta ha katei ka lympung. Katei ka kynhun kan mih na kane ka nongbah ha ka sngi Ba-ar.
