Shillong, Nailar 01:
U khlur ïalehkai ka ri u Sunil Chhetri ryngkat u rangïalehkai ‘dien u Sandesh Jhingan lem bad u rangapkol u Gurpreet Singh Sandhu ha ka sngi Ba-ar ki la paw kyrteng hapoh ka thup jong ki 22 ngut ki rangïalehkai ka ri ki ban pynkhreh ïashim bynta ha ka Asian Games.
Ha kane ka lympung ka ban long ha Hangzhou, China, yn shimti ïa ka kynhun ïalehkai ka ri da u Igor Stimac kum u Coach.
Kane ka kynhun ïalehkai ka la ïoh jingbit na ki bor pynïaid ka Asian Games bad na ka Olympic Council of Asia ban leit ïashim bynta.
Ha katei ka jingïakhun jong ki shynrang, ka India ka la shah pynngat ha ka Group-A kaba kynthup lang ïa ka China PR, Bangladesh bad ka Myanmar.
Ki don haduh 23 tylli ki kynhun ki ban ïashim bynta ha kaba la phiah ïa ki ha ki hynriew tylli ki group.
Kane ka long ka sien kaba nyngkong eh ïa ka India ha ki khyndai snem ba kan wanphai biang sha kane ka lympung.
Ki kyrteng ki rangïalehkai ki long:
Goalkeeper: Gurpreet Singh Sandhu, Gurmeet Singh & Dheeraj Singh Moirangthem.
Defender: Sandesh Jhingan, Anwar Ali, Narender Gahlot, Lalchungnunga, Akash Mishra, Roshan Singh & Ashish Rai.
Midfielder: Jeakson Singh Thounaojam, Suresh Singh Wangjam, Apuia Ralte, Amarjit Singh Kiyam, Rahul KP & Naorem Mahesh Singh.
Forward: Siva Sakthi Narayanan, Rahim Ali, Sunil Chhetri, Aniket Jadhav, Vikram Partap Singh & Rohit Danu.
